Decàleg. Aranés

Entà ua Republica Catalana Liura, Independenta e Feminista

Volem bastir un nau país melhor entre totes e toti, des dera libertat, era diversitat e era equitat e era sostenibilitat. Un país a on era politica transformadora des hemnes sigue era Politica.

Es hemnes èm subjèctes de dret en totes es etapes dera vida e sigue quina sigue era nòsta origina.

1- Era eradicacion des violéncies masclistes a d’èster ua qüestion d’estat ena Republica Catalana.

2- Mos cau un sistèma nacionau d’educacion publica, gratuïta, laïca, catalana, de qualitat e coeducadora des des zèro ans enquiara etapa universitària.

3- Exigim eth dret ath pròpi còs, eth dret a auer hilhs e a non auer-ne, eth dret ara reproduccion assistida independentament dera opcion sexuau, eth dret ar avortament liure, eth dret a decidir era nòsta sexualitat. Cap d’aguesti drets s’a de veir condicionat pes credences religioses.

4- Reivindicam un Pacte Nacionau entàs Politiques d’Igualtat que les hèsque sostenibles, ath marge des conjuntures economiques e eth color deth govèrn.

5- Cau reconéisher e visibilizar es hemnes e era sua contribucion en toti es encastres des sabers, e practiques feministes. Es hemnes auem tot eth dret ath reconeishement dera nòsta genealogia feminista.

6- Era sostenibilitat dera vida a d’èster en centre dera politica en totes es sues dimensions: economica, ecologica, sociau, culturau, de solidaritat, intergeneracionau, de patz e seguretat. Volem víuer en un país liure d’armades, a on era seguretat dera poblacion se base en dialòg e es mediacions.

7- Es trabalhs de suenh e de reproduccion sociau son responsabilitat de tota era societat. Era organizacion socioeconomica a d’includir era co-responsabilizacion des òmes en aguesti trabalhs. Auem de sostier ues estructures publiques que garantisquen es condicions basiques entath benestar de toti.

8- Exigim garantir era equitat laborau e salariau, era fin dera division sexuau deth trabalh, era eradicacion de totes es discriminacions as trabalhadores e es pensions dignes.

9- Reclamam un Estat laïc que non s’estaque a cap de religion a on es credences religioses non influïsquen ena legislacion ne enes politiques publiques.

10- Es hemnes auem de participar en procès constituent, ena redaccion dera Constitucion, e en quaussevolh espaci de construccion nacionau. Hemnes e òmes auem de co-participar en toti es encastres de decision en paritat.